Материал представлен на исходном языке с указанием издателя и прямой ссылкой на оригинал.
Оригинальный текст статьи
Ысык-Көл, 04.09.26 /Кабар/. Талас облусунун Кара-Буура районунун Үч-Булак айылынан чыккан кыргыз тайганы VI Дүйнөлүк көчмөндөр оюндарында Өзбекстандын атынан жарышка катышып, биринчи орунду ээледи. Бул тууралуу тайгандын ээси Асылбек Козугулов билдирди.
Анын айтымында, Жебе аттуу тайган эки жарым жашта. Ал кичинесинен бери аңчылыкка үйрөтүлүп, жарыштарга даярдалып келет.
Козугуловдун белгилешинче, Жебе бул мелдеште 400 метр аралыкка чуркаган. Ал тайган багууну ата-бабадан калган салт катары баалай турганын белгиледи.
Козугулов үчүнчү орунду да Өзбекстандын атынан чыккан кыргыз тайганы ээлегенин маалымдады. Ал эми экинчи орунду Талас облусунун Бакай-Ата районунан келген тайган ээлегени белгиленди.
Материал представлен на исходном языке с указанием издателя и прямой ссылкой на оригинал.
Открыть исходный материал↗